Tradisi Nyadran ing Kabupaten Boyolali

Tata Cara Upacara Nyadran Ana Ing Kabupaten Boyolali

            Sadranan utawa Nyadran yaiku rangkean kegiatan keagamaan sing wis dadi tradisi sing dilakoni ing wulan syakban ( Ruwah ) sadurunge wulan ramadhan ( Puasa ).Tradisi iki arupa upacara ngresiki kuburan utawa ziarah kubur sadurunge pasa .Tradisi Nyadran wis umum dilakoni masyarakat Indonesia .Masyarakat Jawa nglakoni tradisi nyadran tujuane kanggo menehi pakurmatan marang arwah leluhur ,kerabat,utawa sedulur sing wis mati.

            Nalika Jaman biyen upacara iki isih gunaake jajan panganan-panganan sing ora enak dipangan ,kayata : Daging mentah,dedeh ( getih pithik )lan kluwak.Ananging sawise para ulama utawa para wali sanga teka ing tanah jawa ,lajeng budaya iku kacampuran piwulang islam sing luwih ana hubungane karo gusti pangeran.Jajan iku mau diilangi amarga tradisi iku wis akulturasi karo agama.Sadranan ing desa Sukobumi dilaksanaake nalika tanggal 16 wulan ruwah.Upacara iki ditekani ratusan wong ,ana sing saka desa iku lan luar kitha.

            Tata cara Sadranan ing kabupaten Boyolali diwiwiti awit jam 5 isuk ,lajeng warga nekani kuburan Puroloyo utawa kuburan gunung.Kaliyan padha gawa alat-alat resik-resik kayata sapu,arit lan sajenise.Ing kono acara pisanan yaiku Ngresiki kuburan,ing kono para warga badhe ngresiki kuburan kanthi cara mbubuti suket, mbabat alang-alang, ngresiki lumut,utawa nyaponi kuburan para leluhure.Sawise bibar acara sapisan iku mau acara kapindo yaiku acara donga sing dipimpin pak kyai, acara diterusake jam 9 isuk.Ing jam iku warga padha nekani kuburan maneh nanging saiki warga gawa bekal sing beda karo mau.

Atusan warga sing teka padha gawa atusan “tenong”, wadah panganan bentuke bulet bunder digawe saka anyaman pring.Sing diiseni panganan lajeng digawa tumuju kuburan.Atusan tenong sing isine panganan iku mengko arep di barisake ana ing kuburan kanggo didongani lajeng diwenehake kanggo kabeh para warga sing teka ana ing kunu.Sadurunge acara tukar tenong ana acara donga lan pengajian.

            Acara pungkasan yaiku acara kenduren sing dilaksanaake ana ing kuburan,mesjid utawa ana ing omah .Sawise tata cara kabeh iku kaleksanan lajeng para warga biasane silaturahmi ing omah para sadulur lan kerabat .