cerkak

Kamar Kos Omah Nomer Loro Ku

            Ana ing Gang Waru,jarake kira-kira 1 km saka kampus FBS aku ngekos utawa kasebut mondhok. Jenenge kos ku yaiku Kos Pink, ing kos pink cacahe kamar ana 12. Kasusun saka kos ngisor lan kos duwur, kamar kos ku ana ing duwur. Kamar ku ana ing tengah-tengah, ukurane kamar kira-kira 3x3 m.Ana jendhela lan lawang ,ing jero kamar ku uga ana amben lan kasur loro, ana lemari siji,meja siji lan kursi siji,lampu kang padhang bisa nerangi wayah peteng ing wengi lan ana stopkontake ing siseh tengene lawang kanggo ngecas hp, laptop,utawa nyetrika. Kabeh prabot mau kasusun kanthi rapi lan apik.

            Kadhangkala amben kang kokoh lan kasur kang empuk bisa ngurangi rasa kesel ku amarga ngampus wiwit isuk nganti sore. Ora ana kipas angin ing jero kamar ku, nanging sanadyan mung jendhela,nalika awan ora gawe awak sumuk, lan nalika wayah wengi wis bisa gawe atis ing awak . Sanadyan ora anyar nanging meja lan kursi kang rada apik ana ing kamar iku bisa digunakake sinau garap tugas-tugas saka dhosen.

            Cet tembok werna pink bisa nambahi kaendahan kamar ku, meneh i swasana kalem,alus kanggo kang manggoni kamar iku. Prabot-prabot kasusun rapi ana ing panggonane dhewe-dhewe , kayata buku ya dilebokake ana ing rak buku, klambi ya ana ing lemari, tas lan sepatu sendal ya ana ing panggon dhewe. Dadine kamar kos ku ora katon semprawut ambrul adul, saben dino aku utawa kanca sekamar ku sregep ngresiki apa kang katon reged ,sing bisa gawe aku lan dheweke ora betah ing kono.

            Amarga saiki kamar kos ku dadi omah nomer loro sawise omahe bapak lan ibu kang ana ing desa ,dadi aku kudu bisa betah manggon ing kono supaya anggone golek ilmu lancar.