Budaya mantenan agama Khong Hu Cu

Budaya Mantenan ing Agama Khong Hu Cu

            Upacara mantenan iku wis umum dilakoni marang kabeh umat ,cara mantenan ana ing sawijining agama lan agama liyane iku beda-beda.Ana ing budaya jawa lan budaya liyane uga beda ,ana kene bakal dirembug tradisi utawa budaya mantenan ing jawa kanthi cara agama kepercayaan yaiku agama Khong hu cu .Ana ing agama Khong hu cu mantenan iku diartiake sawijining tugas suci manungsa kang bisa nglangsungake sejarah urip manungsa lan ngembangake bibit-bibit firman Thian,Tuhan Kang Maha Esa,sing awujud kabecikan kang netep ana ing jero awake.

            Cara mantenan ing agama khong hu cu ngene urut-urutane :

            Sepisan : adat lan upacara sadurunge mantenan ,kayata ing agama liya lan kayata sing dilakoni wong jawa yaiku ana tradisi lamaran,sangsit  yaiku ing wayah sing wis ditemtoake temanten lanang utawa kaluwarga kaliyan para sadulur ngeter sakprangkat klambi lan mas kawin kabeh kudu dibungkus gawa kertas warna abang lan warna emas, uga dikompliti kaliyan duit susu( ang pauw )lan rong pasang lilin .Ana peningsetan lan golek dina apik ,suku Tionghoa percaya yen ing sawijining upacara kudu dingeti dina lan wulane.Biasane kabeh serba enom yaiku :wayahe sadurunge srengenge pas ing dhuwur sirah,dina miturut itungan wulan Tionghoa lan wulan kang becik yaiku wulan munggah  utawa nyedaki purnama.

Kapindhone yaiku : nalika mantenan ana upacara Liaw Tiaa yaiku pesta kanggo sedulur lan para kanca ana omahe temanten wadon.Upacara mantenan gunaake klambi khusus mantenan adat Tionghoa.Carane sepisan temanten loro didandani lungguh lan ana akeh hiasan nglambangake warna abang (Thay ke kilin kanggo temanten lanang lan hong hong kanggo temanten wadon ).Ana uga upacara jenenge Cio Thau yaiku upacara mantenan tradisional kaliyan kabeh pernak pernik upacarane,dianggep syarat syah mantenan ing tradisi Khong hu cu ,lan disebut upacara sembahyang kanggo ngormati Tuhan,alam,leluhur,wong tuwo lan awake dhewe.

Kasebut Cio Thau tegese ‘ndandani’ rambut utawa sirah, ora ‘ munggah tumuju sirah ‘ marga ing bagian penting upacara iki. Temanten loro disisir kaliyan ibune ping telu ,ana maknane sisiran kapisan muga diwenehi jodoh dawa, kapindo rejeki ne akeh lan terakhir muga anak-anake dadi manfaat.Klambi sing dianggo nalika Cio Thau gawa klambi upacara wong Tionghoa jenenge klambi ‘ Pao ‘, klambi putih lan kathok putih  kanggo temanten lanang lan klambi putih kain batik warna dasar abang motif bunder-bunder putih kanggo temanten wadon,saengga dikenal kaliyan jeneng kain Onde .Lajeng disimpan lan dianggo maneh wektu dheweke mati.

Lajeng upacara ing klenteng yaiku upacara kanggo pakurmatan marang Tuhan lan para leluhur.Lajeng wektu temanten lanang arep maju ing omah temanten wadon ,sadurunge iku diadaake upacara Khibe : pesta cilik bebarengan kanca lan para sahabat lajeng temanten mangkat diiringi kaliyan tetabuhan lan dipasangi mercon.Masang mercon marga suarane kang dimaknai suara bledek,marga siluman wedi karo bledek.Saengga suara mercon iku maknane kanggo ngusir kabeh setan lan siluman.Satekane ing omah temanten ,temanten loro mlebu ing kamar temanten sing ana ing jerone wis ana meja kaliyan 12 macem King Ua yaiku bahan panganan kang disate lan diatur kaliyan alat-alat khusus.Ing sisihe ,uga ana akeh panganan kang diatur ing dhuwur meja liya,2 kursi,2cangkir wedang onde,lan 2 mangkok lan sumpite .Sepasang lilin gedhe kang urip dadi hiasan khusus.

            Kaping telune :Ana budaya masyarakat  Tionghoa sawise mantenan bibar ,telung dina sawise mantenan ana budaya kang kasebut upacara Cia Kiangsay lan Cia Ce’em yaiku budaya ngenalake para sanak sadulur kaluwarga lanang marang kaluwarga wadon lan uga kaluwarga wadon marang kaluwarga lanang.Pitung dina sawise mantenan ana budaya tilek  sedulur sing isih ana, temanten wadon gawa klambi cina kang luwih luwes.

 Iku mau budaya mantenan ing agama Khong hu cu, unsur budaya ne nonjol kaya urut-urutane mantenan apa wae barang gawan ,ana budaya upacara Liaw Tiaa lan Khibe lan unsur agamane uga ana kayata upacara Cio Thau lan upacara ing Klenteng ‘wis mesthi yen klenteng iku panggonan sembahyang wong Tionghoa ‘. Budaya lan agama ing kene campur dadi siji bentuk akulturasi kang apik lan becik .