Fungsi Pengrawit lan Sinden
Pengrawit iku asale saka tembung
rawit,kang ateges rumit utawa ana hubungane kaliyan hal alus. Tembung pengrawit
uga asring kasebut nayaga utawa yaga kang ateges semedi.Pengrawit biasane gawa
klambi kain,beskap ladhung,blangkon,utawa kerisan kaliyan beskap krowok.Yen
acarane santai biasane gawa klambi batik utawa klambi sopan.
Sinden utawa penyanyi wadon kang
kasebut waranggana.Sinden gawa klambi adat jawa utawa klambi kaya penyanyi
campursari.Biasane yen ana yaga iku mesthi ana sinden,kalorone ora bisa
dipisahake ana ing karawitan.
Fungsi
pengrawit lan sinden
Pengrawit utawa yaga duweni fungsi
utawa guna utama ing karawitan utawa ana ing pagelaran wayang kulit.Yen ana ing
wayang kulit ana lakon mesthi ana selingane yaiku gendhingan kanggo wates saben
pathet utawa mung kanggo panglipur.Yaga gunane yaiku nabuh gamelan kanggo
ngasilake gendhingan kang becik.Yaga kudu bener lan trep anggone nabuh gamelan
supayane gendhingane jumbuh kaliyan lakon sing di pentasake.
Yen salahsawijinig yaga keliru
anggone nabuh gamelan mangka bisa salah kaprah gendhingane utawa pagelaran
wayange.Mangka pengrawit utawa yaga duweni fungsi sing penting ana ing karawitan
lan pagelaran wayang kulit, yen ora ana unsur iki mangka ora ana tabuhan
gendhing kang kanggo panglipur pamiyarsa.
Sinden nalika ing jaman biyen
fungsine yaiku kanggo panglipur pagelaran wayang kulit .Ing karawitan sinden
kanggo nembangake gendhing-gendhing supaya luwih apik lan pamiyarsa bisa ngerti
maksud isi gendhing yen ditembangake.Guna sinden iku sabenere kanggo
panglipur,kanggo nembangake gendhing.
Sinden kudu duweni swara apik lan
lantang supaya nalika nembangake gendhing bisa apik lan trep.Sinden lan yaga
ora bisa kapisah, kabeh duweni fungsi penting ana ing pagelaran wayang kulit
sawise dalang lan lakon.Ana ing jaman saiki sinden duweni fungsi dadi primadona
utawa dadi wong wadon sing di puja-puja ana ing pagelaran wayang kulit marga swarane
sing apik lan pasuryane sing ayu.
Tidak ada komentar:
Posting Komentar